Aí onde o vedes é o punto máis elevado do concello de Ferrol. O monte da lagoa a 309 metros sobre o nivel do mar. Mañá andaremos por eses camiños, quen sabe se saudando aos nosos amigos do parapente, ou se tocando as nubes coas mans como algún ano sucedeu...

...tamén poderemos gozar das fermosas vistas sobre a cidade e a ría, e tamén sobre a nosa Costa Ártabra impresionante, e parece que imos contar cun tempo máis ou menos agradable para a época do ano e para o que caeu estes días:

As páxinas web de Meteogalicia e AEMET din que imos ter temperaturas suaves e choiva pola tarde, a ver se non pasa moito de spray refrescante para os últimos quilómetros...

Que teñades boa andaina, vémonos!